تردد في صدى قلبي
تردد صوتك الحاني
وحسيت بحب وشوق
واني بالوله اجيك
ولملمت كل احاسيسي
وبعثرت كل زعل فيني
تذكرت حبك الصافي
وشوقك يا بعد كلي
رجعت بلهفتي لعينك
تسابق خطوتي قلبي
وكلٍ وده يضمك
رجعت وخاطري فرحان
واغني بالفرح يا ناس
انا قلبي رهين الشوق
وحبي مسكنه قلبك
وصلت لدارك وعيني
تناظر كل ركن فيه
وقلبي زايد اللهفه
ويفضح كل ما فيني
تلاقت عيني بعينك
تبادلنا الهيام والحب
وكلٍ يفضح بسره
ودموع الشوق في عيني
مسحت دمعتي بكفك
وقلت لي احبج حيل
وانج دفا سنيني
تبسمت وكلي شوق
وقلت لك يا كل الذوق
احبك لو يطول البعد
احبك يا نظر عيني