بعد ما كنت فرحة حياتي والاشواق
بعد ما كان الحب لك بلا مقياس
بعد ما كان همسك يدفيني
وشوقك يطفي لوعة الحرمان
بعد ما كنت دفا ايامي
وضي في كل وجداني
ما بقت غير ذكراك على الاوراق
ودمع ذبح في داخلي الاشواق
وقلب انجرح حيل من الفراق
تجيني
وتقول ليش شو اللي صار
ليش انا وش سويت
وتقول بعدي يسبب لك شقى واهات
أجل ..إسأل قلبك
وإسأل مشاعر ذبحتها بايديك
وإسأل ليش كان تقصيرك
ليش قوللي ابا تفسيرك؟
انت بديت الحب يا قلبي
وانت نهيت الحب بتقصيرك
انت طعنت الشوق في قلبي
وانت شوف كيف كانت مواصيلك
نعم حبيتك بكل ما فيني من مشاعر واحساس
نعم غلّيتك على كل الناس
نعم حبك كان لي تاج على الراس
نعم كنت مالك قلبي وكل احساس
نعم خابت ظنوني و وقع فاسك على الراس
نعم مات الحب كأن ما كان له اي اساس
نعم دفنته بأيديك ودمعي صار ما ينقاس
تبي ترجع
اقوللك لا
ولو قلبي
يحبك حيل
ولو ان بينسى الويل
ولو ان بيرجع ويميل
اقوللك لا انا مليت وانت اللي علي جنيت
اقول لا ما برجع
ولا في ويوم بتولّه
اقوللك لا يا عمري
تعال شوف دمعي كيف يعميني
وقلبي منجرح يبكيني
ونارك بالحيل تكويني
اقوللك لا ما برجع
لقلب ما يحس فيني